p590-2
P590-
william de wanda abbot is 1237-1245
william de spaldewick April 22nd 1245-8 th July 1272
– interesting for the rather complex provisions of the relationship – fire etc....
De predicta terra in parochia sancti dunstani Londoniis dimissa Gunnore de Colecestria
Sciant presentes et futuri quod Willelmus Dei gratia abbas et conuentus monachorum Colcestrie dimiserunt et concesserunt et presenti carta Cyrographata confirmauerunt Gunnore de Colecestria et Godefrido filio suo terram cum edificiis quam tenent de Hospitali Sancti Jacobi in / Londoniis in parochia Sancti Dunstani. que jacet inter terram ipsorum monachorum qui est uersus austrum et vicum regium aquilonalem secus cimiterium Sancti Dunstani. Quam terram cum edificiis Hugo capellanus aliquando de eis tenuit et post eum Magister Gregorius rector ecclesie Omnium Sanctorum de Ginges. habendam et tenendam de eis dictam terram cum pertinentiis predicte Gunnore et predicto Godefrido post ipsam et cuicumque de suis illam dare dimittere uel assignare uoluerint et eorum heredibus in feodo et hereditate libere quiete et finabiliter. Reddendo inde annuatim abbati et monachis Colecestrie decem solidos esterlingorum ad duos terminos. scilicet infra octabas Pasche quinque solidos et infra octabas Sancti Michaelis quinque solidos pro omni seruitio et exactione ad eos pertinente. Et si abbas et monachi Colecestrie in transitu suo uelint ibidem hospitari: predicti Gunnora et Godefridus et eorum successores ipsos sumptibus eorum in hospitio benigne suscipient. Si uero predicti Gunnora uel Godefridus uel eorum successores predictum redditum decem solidorum terminis statutis non reddiderint: licebit seruienti abbatis predictum tenementum sine omni contradictione et resistentia modo debito namiare et ut melius potuerit ad solutionem debitam cohercere. et si contigerit predictum tenementum edificio uacare aut quod absit incendio consumi: nichilominus predicti Gunnora et Godefridus prenominatum redditum terminis predictis integre persoluent. et infra biennium a consumptione talia edificia in eodem tenemento erigent de quidbus redditus predictus plene poterit prouenire. Similiter et successores sui facient et si infra annum prefatus redditus non fuerit persolutus. licebit abbati et monachis tenementum illud in manus suas capere ed de eo ad libitum disponere. Et est sciendum quod prefati Gunnora uel Godefridus uel eorum successores nunquam tenementum illud dimittent uel obligabunt alicui domui religiose nisi abbati et monachis Colecestrie si uoluerint. nec Judeo. nec alicui potenti per quem abbas et monachi a prefato redditu aut conuentionibus in hoc scripto contentis: possint defraudari. Verumtamen si ipsi uel eorum successores terram illam uendere uoluerint. abbas et monachi Colecestrie erunt omnibus aliis propinquiores de uno bissantio. expresso tamen de ipsis tenentibus juramento quantam summam pecunie ab aliis possint habere. / Hanc itaque terram cum pertinentiis abbas et monachi Colecestrie debent warantizare predictis Gunnore et Godefrido. et eorum successoribus contra omnes homines. salua tamen exactione domini Regis et justiciariorum ejus et aduersus capitales dominos ipsos tenentur aquietare. et nisi fecerint prefati tenentes et eorum successores post quadraginta dies per consicientiam et assensum abbatis et monachorum de proximiori redditu futuro eam aquietabunt per manum seruientis abbatis. Hanc conuentionem fideliter et sine malo ingenio tenendam pretaxati Gunnora et Godefridus inspectis sacrosanctis in ipsorum abbatis et monachorum capitulo corporale prestiterunt sacramentum. Similiter et omnes eorum successores cum succedunt sepedictum tenementum ingressuri. antequam ejusdem possessionem ingrediantur. consimilem tenentur facere securitatem. Vt autem prescripta omnia firmitatis et stabilitatis robur perpetuum optineant tam prefati abbas et monachi quam predicti Gunnora et Godefridus presens scriptum cyrographatum mutuis sigillis suis hinc inde ei appositis roborare curarunt. Hiis testibus. Petro Blundo tunc aldermanno. Ricardo filio ejusdem. Galfrido capellano Sancti Dunstani. Radulfo Spiciario. Johanne de Arcubus. Johanne Sperling. Petro aurifabro. Ledulfo Teutonico. Magistro Willelmo de Turri. Johanne de Sacto Dunstano. Roberto Longo. Symone Melksop. Adriano Pictore. et aliis.