p297-98
Matheus Mantel de domibus et tenementis in Londoniis.
Sciant presentes et futuri quod ego Matheus Mantel uendidi et in pleno Hustingo Londoniarum quiete clamaui de me et omnibus heredibus meis sine aliquo retenemento michi uel abbati Osberno et ecclesie Sancti Johannis Baptiste Colecestrie et conuentui ejusdem ecclesie domos meas terram et mesagium que tenui de predicta ecclesie in uilla Londoniarum et totum jus quod habui in illis. similiter tenementum illud quod tenui de domino Rege in eadem uilla. saluo annuo seruitio quod debet. scilicet quatuor denariis reddendis ad Pascha floridum pro omnibus seruitiis. Similiter et totum tenementum illud quod tenui in eadem villa de Canonicis Sancte Trinitatis Londoniarum. et tutum jus quod habui in illo. saluo annuo seruitio quod terra illa debet. scilicet duobus solidis pro amni seruitio dimidiam ad Pacha et dimidiam ad festum Sancti Michaelis. Similter et tenementa illa tota que tenui de Hospitale Sancti Egidii et de Hospitale Sancti Jacobi. et totum jus quod habui in illis saluis annuis seruitiis que illa debent. scilicet hospitali Sancti Egidii duodecim denariis ad festum Sancti Michaelis reddendis et hospitali Sancti Jacobi octodecim denariis similiter reddendis ad festum Sancti Michaelis pro omnibus seruitiis. Hec autem /omnia ut suprdiximus predictis abbati et ecclesie Sancti Johannis Baptiste Colecestrie uendidi et in pleno Hustingo Londoniarum quiete clamaui de me et omnibus meis finabiliter. et ultimum denarium in predicto Hustingo inde recepi. Ego uero et heredes mei predicta tenementa omnia predicte ecclesie Sancti Johannis contra omnes homines et feminas secundum legem ciuitatis Londoniarum warantizabimus. Hoc autem factum fuit coram domino Henrico maiore Londoniarum ciuitatis et Willelmo filio Isabel, et Willelmo filio Alulf vicecomitibus. Hiis testibus Magistro Jordano de Turre. Gilberto Dacon. Stephano Blundo. Magistro Jozelino. Radulfo diacono. Waltero aldermano. Stephano Longo. Colemer pessuner. Nordmanno. Rogero de Blanchesspelton Symone de Cimierio Sancti Dunstani. Radulfo filio Ade. Rogero Dux. Constantino filio Frombaldi. Willelmo filio Reiner. Henrio fratre ejus. Willelmo filio Sabine. Galfrido Roueheie. Rogero filio Alani Osberno dapifero.