cart of missenden abbey
778
agreement between the abbey and stephen le blund whereby the latter held of the abbey a shop next to the shop of jocius the grocer for three years for the sum of 6 marks and thereafter at an annual rent of one mark. [1230]
#00130778 [Back] 1230
Hec est conuentio facta inter dominum abbatem de Messend ex una parte et Stephanum filium Andree le blund de Lond ex altera quod predictus Stephanus uel heredes sui debent reddere domui de Messend vj marcas argenti a die Sancti Iohannis baptiste anni tercii consecrationis domini Ricardi Cantuariensis archiepiscopi infra iij annos completos scilicet singulis annis ij marcas ad terminos anni uidelicet ad idem festum Sancti Iohannis dimidiam marcam et ad Pascha iiij marcam et sic per singulos annos de soppa proxima soppe Iotii speciarii uersus le west Post completionem uero trium annorum idem Stephanus et heredes sui reddent predicte domui de predicta soppa unam marcam ad predictos terminos in perpetuum Quam conuentionem trium annorum si predictus Stephanus uel heredes sui non tenuerint predicta soppa cum pertinentiis suis in fine predictorum trium annorum in usus proprios predicte domus de Messendene ueniet saluis xviij s domui Sancte Trinitatis Cantuariensis et iiij s Nicholao le loreng Et ut hec conuentio plenum robur optineat presenti scripto in modum cirographi confecto utraque pars predictus abbas scilicet et Stephanus predictus sigilla sua apposuerunt Hiis testibus Rogero le duc tunc maiore London Ricardo filio Walteri tunc uicecomite Lond Andrea Bukerel tunc aldermanno de Warde Henrico de Cokham Ioce speciario Roberto filio Iohannis Henrico de Castello Et aliis